Junaki se z vizite pelaju

junaki se z vizite pelaju
lepe pesmice si zapopevaju
zginulo je srčece, majki povolno dete
nega domaj, dišel je med soldate

podaj meni ružica rukicu
več je bela zorjica po svetu
ja bom moral oditi, tebe domaj staviti
naj se draga tak žalosno plakati

počnem listek pisati vu noči
sozne joči brisati vu žalosti
nočka me je obstrla, pisati sam ne mogla
čakala sam ja deneka beloga

predi me zakopaju nek tebe
na grobek mi posadiju ružice
ke se bodu zvijale sako leto v oktobra
na spomenek našega rezdruženja


Pomurje, Mađarska

Sunčece črleno, ne shađaj mi rano

sunčece črleno, ne shađaj mi rano
ne shađaj mi rano, počekaj me malo

dok si ja našijem golobo rupčeca
gori mu našijem sunce i meseca

sunce i meseca i drobne zvezdice
što god videl bode, saki pital bode

gde je ona, mila, kaj je to našila
ona ti je, mila, prek sivoga morja

prek sivoga morja de nam shađa zorja
zdavna ju je črna zemlica pokrila


Mlinarci (Molnári) Pomurje, Mađarska / Međimurje, Hrvatska

Alaj zorja

alaj zorja, sestro moja, čudo gledaj ti, čudo gledaj ti
gde svekrva vodo nosi, a snešica spi, a snešica spi

prispi, zaspi, sneša naša, jošče zorja ni, jošče zorja ni

alaj zorja, sestro moja, čudo gledaj ti, čudo gledaj ti
gde svekrva drva nosi, a snešica spi, a snešica spi

alaj zorja, sestro moja, čudo gledaj ti, čudo gledaj ti
gde svekrva peč nalaže, a snešica spi, a snešica spi

alaj zorja, sestro moja, čudo gledaj ti, čudo gledaj ti
gde svekrva kruha peče, a snešica spi, a snešica spi

alaj zorja, sestro moja, čudo gledaj ti, čudo gledaj ti
gde svekrva jelo kuha, a snešica spi, a snešica spi


Podravina, Hrvatska

Snočka kesno

snočka sam si kesno ljubicu dopeljal
ona nije štela nikaj večerjati

taki po večerji glava zabolela
vu rumenu zorju sineka rodila

ona poželela to medeno grozdje
s kraljevoga vrta, s dalmatina trsa

- idi, Đuro, idi, pak mi ga donesi
samo, Đuro, pazi, da te ne zapazi
ta mlada kraljica

prvi grozd zareže, sretno ga odreže
drugi grozd zareže, sretno ga odreže

treći grozd zareže, nesretno ga 'dreže
spazila je njega ta mlada kraljica
mam ga je strelila

- vidiš, Đuro, vidiš, svoju milu dragu
vidiš, Đuro, vidiš, jenu velku želju

to je tebi treba, tvoji mladi ljubi
kaj si to ti želiš, kaj je tuđi ljudi


Međimurje, Hrvatska