Jarebica, lepa ftica

- jarebica, lepa ftica, kam si mi odletela?
kam si skrila svoja lica, ka su me veselila?

kam kljuneki tvoji, slatki, s kojim si me ščukala?
a kam dnevi oni, kratki, v kojim si me ljubila?

ovo ti je pozdravljenje od sokola tvojega
s kim imela si veselje letet sveta krugloga

te visoke črne gore z menom si preletela
i Dunaja mutne vode z menom si preplavala

naj daleko odleteti, da ja za te ne bi znal
s tobom želim odleteti da bi nam Bog srečo dal

jarebica, lepa ftica, naj ti za me zabiti
ti si moja pajdašica, ah, naj me ostaviti


Međimurje, Hrvatska

Hranil sam si fticu, črnu lastavicu

hranil sam si fticu, črnu lastavicu
vu te črni gori, na kiti borovi

hranil sam milecke v pisane krletke
hranil sam ih rano sake fele žitom

sake fele žitom, tu jaru pšenicu

ja sem tožen štimal da ti moja bodeš
da ti moja bodeš, al mojga pajdaša

pak si ti ne moja, nit mega pajdaša


Međimurje, Hrvatska

Po Murici plava modra fijolica

po Murici plava modra fijolica
v teglin ju je zela mlada devojčica

mlada devojčica droben list pisala
tožno je mislila kam ga bo poslala

na to doletela jedna ftica bela
listeka je zela, z njim je odletela

z njim je odletela med sive oblake
doli ga spustila med same junake

med same junake, med same husare
listek su prešteli, ljubav ne razmeli


Međimurje, Hrvatska

Klinčec moj žalosten

klinčec moj žalosten, budi mi povoljen

med rumene glave budi mi položen

ružica, snešica, sedi se kre mene

sedi se kre mene, kre me desne strani

- morti su ti moje rečke suprotivne?

- nisu, golub, nisu, neg su mi povoljne

plačem se po dnevu, plačem se po noči

či mi ne veruješ, poglej suzne oči

ja sam kakti ftica koja para nema

tožan saki junak ki sve ljube nema

Međimurje, Hrvatska