Tožno vrieme, boj krvavi

tožno vreime, boj krvavi, to je volja Božja
vnoga devojčica bo iskala para svojga

ali vnoga bode teško našla para svojga
v togi plačuč bo iskala jegovoga groba

zabadav je, joj, po svietu grobeka iskati
na tiem bojnim polju grob se nebre prepoznati

sva je ova naša zemlja sem-tam sprekopana
i nas mladih Međimorcov domovina prava

zbogom, zbogom mi ostani Dekanovsko selo
več me nigdar ne bo vidlo Međimorje malo


Međimurje, Hrvatska

Vuprem oči

vuprem oči vu to nebo visoko
tam ja vidim, svetle zvezde igrajo

či mi bole svetle zvezde igrajo
bole moje mlado srce kalajo

mene majka saki denek karala
kaj nej k letu malo dete čuvala

nikaj zato ako bi je čuvala
bole bi se za ljubav zmišljuvala


Međimurje, Hrvatska