Se po tihoj nočki spi

se po tihoj nočki spi

samo moj golobek ne 

da ga, mega golobeka

k meni vu ljubavi ne 

listeka sam pisala

nočka me zastrnola

morala sam počekati

do beloga deneka

ne tak doge nočkice

kaj nej bilo deneka

ne tak hudoga junaka

kaj nej služil cesara

Hote, majka, Vi k meni

samo ja Vam smem reči

da zbog jednog nevernika

moram v hladen grob leči

Međimurje, Hrvatska

Prejdem goru

prejdem goru, prejdem drugu zelenu
hej, haj, na treču me konj zanesel visoku

i tamo je javor drevo zeleno
hej, haj, pod javorom postelica prestrta

na posteli moja draga milena
hej, haj, zaspala je, svetle joči sklopila

ja sem prosil tihi veter odzgora
hej, haj, naj otrgne zelen listek z javora

popuhnul je tihi veter odzgora
hej, haj, i otrgel listek z grane javora

otrgel je list javora zeleni
hej, haj, na obraz ga dragoj spusti rumeni

otprla je moja draga joka dva
hej, haj, kakti sunce gora se zasvetlila


Podravina, Hrvatska

Divojka je celer brala

divojka je celer brala u bašći
kraj celera javor-drvo zeleno
pod drvom je posteljica prostrta
na postelji moja draga zaspala

nis' ju mogal od radosti vzbuditi
nit ju mogal od žalosti ljubiti
molil sam se višnjem Bogu mlad junak
da mi moju dragu probudi

puhnul mi je vihar vitar od morja
odkinul je jedan listak s javora
pal je listak mojoj dragoj na lice
zelenoga se listka prenula
a mene je pokraj sebe metnula

Marof (Mönchmeierhof), Gradišće, Austrija

Legradske gore

da bi se meknule, šej, te Legradske gore
kaj bi se videlo, šej, malo Međimurje

malo Međimurje, šej, tak si v lepom cvetju
međimurski dečki, šej, vu širokem svetu

listeka ti pišem, šej, lepo te pozdravljam
kaj si naj mislila, šej, da te ja ostavljam

da bi te ostavil, šej, naj ti listek pisal
več bi se ja drugu, šej, grličicu iskal


Međimurje, Hrvatska

Mega srca koren

daj pogledni na 'vo sonce žarko
kak je 'd mene dragi golob dalko
kak je 'd mene, drago srce moje, dragi golob dalko

nemrem reči niti pak doseči
neg mu moram listeka pisati
neg mu moram, drago srce moje, listeka pisati

ti si, golob, mega srca koren
lepše te ja ljubiti ne morem
lepše te ja, drago srce moje, ljubiti ne morem


Velika Kaniža (Nagykanizsa), Pomurje, Mađarska

Junaki se z vizite pelaju

junaki se z vizite pelaju
lepe pesmice si zapopevaju
zginulo je srčece, majki povolno dete
nega domaj, dišel je med soldate

podaj meni ružica rukicu
več je bela zorjica po svetu
ja bom moral oditi, tebe domaj staviti
naj se draga tak žalosno plakati

počnem listek pisati vu noči
sozne joči brisati vu žalosti
nočka me je obstrla, pisati sam ne mogla
čakala sam ja deneka beloga

predi me zakopaju nek tebe
na grobek mi posadiju ružice
ke se bodu zvijale sako leto v oktobra
na spomenek našega rezdruženja


Pomurje, Mađarska

Janica se šeče

Janica se šeče po visokem gajnku
drobni listek piše svojemu junaku

- oj ti, mladi junak, jel me očeš zeti
jel me očeš zeti ili ostaviti?

- ja bi te rad zeti, al mi majka krati
al mi majka krati, oček ne da znati


Hrvatsko zagorje, Hrvatska

Po Murici plava modra fijolica

po Murici plava modra fijolica
v teglin ju je zela mlada devojčica

mlada devojčica droben list pisala
tožno je mislila kam ga bo poslala

na to doletela jedna ftica bela
listeka je zela, z njim je odletela

z njim je odletela med sive oblake
doli ga spustila med same junake

med same junake, med same husare
listek su prešteli, ljubav ne razmeli


Međimurje, Hrvatska

Pismo doletelo

pismo doletelo v Dolnju Kotoribu
v Dolnju Kotoribu, Horvatu Jožiju

njegva mila draga polek njega stala
pa ga zapitala: - da mi dimo dojdeš?

- ja ti dimo dojdem da bo Božja volja
- ja ti dimo dojdem da bo Božja volja

da bo suhi javor zelen listek spuščal
da bo suha vrba z grozdičem rodila

da bo suhi zdenčec z belim mlekom zviral
da bo suhi zdenčec z belim mlekom zviral

golobek ljubljeni, toga nigdar na bo
golobek ljubljeni, toga nigdar na bo

ako toga na bo, niti mene ne bo
ako toga na bo, niti mene ne bo


Međimurje, Hrvatska