Pod oblokom slivica

pod oblokom slivica de stanuje Marica (čuhaj)
čekala je goloba do dvanojste vurice
do dvanojste vurice, do rumene zorjice (čuhaj)
ne se mogla fčakati, pričela se plakati (čuhaj)
dober večer, mamica, de je vaša Marica?
nega doma Marice, dišla je vu gorice
dišla je vu gorice po črlene jagode (čuhaj)
dober večer, Marica, je li čuješ, je li spiš?
niti čujem, niti spim, nit si za te ja mislim (čuhaj)
ovdi imam druge (dečke) tri, se tri lepše kak si ti (čuhaj)


Međimurje, Hrvatska

Devetstopetnajsto leto

devetstopetnajsto leto meni jako je žalosno
ja bom moral nuter iti, tebe draga ostaviti
v žalosti

Međimorje kak si lepo se si bilo v jednem cveto
ružice po sod cvetejo, moje srce veseli se
v radosti

lepo cvetje si sadila, njemu si se veselila
tu je raslo pod oblokom, dej mi draga desno roko
idem ja

dej mi draga desno roko, ve te lubim zadnjo nočko
od ve pak bom puško, sabljo, ke bom nosil po orsagu
horvackom


Murski Krstur (Murakeresztúr), Pomurje, Mađarska / Međimurje, Hrvatska

Ružmarin

snočka sem ja sadil kitu ružmarina
v oblok sam ga del ja, ne škodi mu zima

ružmarinska kita naj se posošiti
draga golubica, naj zame zabiti

sumartonska zdenca hladna voda zvira
v kojem moja draga sozne joči spira

draga golubica, naj zame plakati
sozice si zbriši pak me naj staviti


Sumarton (Tótszentmárton), Pomurje, Mađarska

Zove, Maro, zove

zove Maro, zove, zove Maro,
zove, Iva na večerju
hodi Iva, hodi, hodi Iva hodi
k meni na večerju

dišal Vajda z doma, vrezal si je kruha
na četiri dane
prvič puška poči na Dunajskom bregu
beži Iva, beži, Vajda ide dimo

nabom bežal, nabom, sama si me zvala
sama si me zvala i večerju dala

drugoč puška poči pred srednjim oblokom
beži Iva, beži, Vajda ide dimo

nabom bežal, nabom, sama si me zvala
sama si me zvala i večerju dala

tretjič puška poči pred hižnimi vrati

beži, Iva beži, Vajda je več doma

nabom bežal, nabom, makar glavu zgubim
sama si me zvala i večerju dala

Vajda v hižu stane, Maru v glavu streli
- to ti bodi, Maro koga si ljubila

puškicu je složil, na stol ju naložil
na stol ju naložil, sam je vu se sprožil


Međimurje, Hrvatska

Tica lastavica

tica lastavica, ti buš moja poštarica
ti buš nesla mojoj dragoj ljubeznoga lista

či ju najdeš na obloku, metni joj na roku
či ju najdeš na postelji, na grudi joj deni

ah ta, ne boj me se srce, ja ću te uzeti
i rumeno tvoje lišce ljubiti do smrti


Podravina, Hrvatska

I za ovu je pjesmu malo vjerojatno da je, zapravo, nastala u Podravini. Kondicinalni oblik koji počinje sa či nije svojstven podravskim dijalektima. Nije čest niti o koji dolazi od u (ruka > roka) pa je i ova pjesma, najvjerojatnije, napisana u Međimurju.

Dužička je starogradska ciesta

dužička je starogradska ciesta
po njoj plače mila i neviesta
plače, jauče, ruke skupa sklaplje
ne plači se mila, srce moje

došal sam joj pod oblok, je spala
prosil sam ju da bi mi se stala
stala j' gori, sjela j' na klupčicu
prosil sam ju za diesnu ručicu

jur sam ja već šuhajev jimala
nednomu još nisam ruke dala
i tebi je, mili moj, ja ne dam
doklje tebe ja bolje ne spoznam

ako ćeš ti mila, srce moje
kupit ću ti štire voze sijena
štire sijena, a pieti otave
pri čem budeš, mila, dojit krave



Gradišće, Austrija