Se po tihoj nočki spi

se po tihoj nočki spi

samo moj golobek ne 

da ga, mega golobeka

k meni vu ljubavi ne 

listeka sam pisala

nočka me zastrnola

morala sam počekati

do beloga deneka

ne tak doge nočkice

kaj nej bilo deneka

ne tak hudoga junaka

kaj nej služil cesara

Hote, majka, Vi k meni

samo ja Vam smem reči

da zbog jednog nevernika

moram v hladen grob leči

Međimurje, Hrvatska

Moj Đurinec

moj Đurinec vince toči
v jedni vuri po polnoči
k njemu došel jeden gospon
pa ga prosi njegvu ljubu

- dej ti meni svoju ljubu
ja ti dadem sto talerov
jeden denek za spomenek
jednu nočku za ljubavcu

- idi moja žena, idi
bumo meli sto taleri
idi moja žena, idi
bumo meli sto taleri

prošel denek za spomenek
prešla nočca za ljubavcu
- nega moje žene dimo
stari majka ite po nju!

- hodi moja sneha dimo
moj se sinek jako plače!
- naj se plače kak se oče
mene dimo nigdar ne bo!

koj me kupil, bo me ljubil
koj me prodal, bo me zgubil
nesu ljube za prodaju
neg su ljube za ljubavu!


Međimurje, Hrvatska

Devetstopetnajsto leto

devetstopetnajsto leto meni jako je žalosno
ja bom moral nuter iti, tebe draga ostaviti
v žalosti

Međimorje kak si lepo se si bilo v jednem cveto
ružice po sod cvetejo, moje srce veseli se
v radosti

lepo cvetje si sadila, njemu si se veselila
tu je raslo pod oblokom, dej mi draga desno roko
idem ja

dej mi draga desno roko, ve te lubim zadnjo nočko
od ve pak bom puško, sabljo, ke bom nosil po orsagu
horvackom


Murski Krstur (Murakeresztúr), Pomurje, Mađarska / Međimurje, Hrvatska

Vulica

oj vulica, kak si liepa, kud me vodiš?
misel moja, pitam tebe kud mi hodiš?
kud mi hodiš, kud mi dane i te noči gubiš?
a ti srce itak niemaš kog da ljubiš

mislila sam da buš došel nočku ovu
kaj bi bila vuživala ljubav tvoju
ali tožna, cielu nočku niesam nikaj spala
srce me bolelo da sam se je stala

i šumica v protuletju hlada ima
pa se saki cvietek svojim cvietom štima
samo moje srce nigdar nigdi niema mira
kajti vu njem neprestano tuga zvira


Međimurje, Hrvatska