Pisala je draga

pisala je draga svomu zaručniku
- jel si zabil za me da sam ja na svetu?

pisali pajdaši - draga grličica
tvomu zaručniku v grobu venu lica


Međimurje, Hrvtaska

Hranil sam si fticu, črnu lastavicu

hranil sam si fticu, črnu lastavicu
vu te črni gori, na kiti borovi

hranil sam milecke v pisane krletke
hranil sam ih rano sake fele žitom

sake fele žitom, tu jaru pšenicu

ja sem tožen štimal da ti moja bodeš
da ti moja bodeš, al mojga pajdaša

pak si ti ne moja, nit mega pajdaša


Međimurje, Hrvatska

Došlo nam je vrieme

došlo nam je vrieme tuge i žalosti
žalost nieje moči spisati zadosti

meseca augusta, deneka drugoga
ostavil sam para srcu povoljnoga

devetsto štirnajsto leto se pisalo
da se moje ime od majke brisalo

ob dvanojsti vuri počel cug gibati
na to je morala bonda zaigrati

kričanje se čulo, zbogom mili sini
samo verni bojte svoji domovini

tri dni i tri noči mi smo se peljali
na ruski granici doli s cuga stali

onda k regimentam svojim maršerali
ki smo pre Lublinu tabora držali

jafkanje se čulo, rane mi zaveži
hodi pajdaš k meni, morti bo mi leži

ja sem išel k njemu kaj ga zdignem gori
al na moju žalost on več ne govori

jan se sim prehiti, drugi tam opadne
nit ja tožen ne znam de mi sonce zajde
__________________________

Times of Sorrow

the times they are of sadness, sorrow and good-byes
what will come tomorrow? only tears and sighs

'twas the month of August, on it's second day
when I had to leave my sweetheart, forced to go away

the year was 1914, perhaps you don't know
when my dear old mother had to see me go

at the hour of midnight we were on our way
and as the train was leaving, the band began to play

voices of our loved ones shouted - farewell, sons
be true to your homeland when you use your guns

at the Russian border we got off the train
all our dearest loved ones ne'er to see again

moans I heard quite near me - come my wounds to tie
come and sit beside me, I feel I shall die

I went to be near him and to help him rise
but his life just faded before my very eyes

one falls down beside me, the next one over there
shall I see the sunrise, no-one seems to care


Međimurje, Hrvatska

engleski prepjev - Dunja Knebl

Primem pero

primem pero v svojo desno rukico
pak bom spisal jeno malo pesmico
s kom se bodo veselili junaki v malom Međimurju

Međimurje kak si lepo cvetoče
de nam rasto sake fele ružice
ke sadijo nam mladem junakom te lepe divojčice

v Kotoribo cug-mašina doleti
me junačko srceče rezžalosti
zbogom, zbogom, si moji pajdaši i povoljne ružice


Međimurje, Hrvatska

Trnovec

Trnovec, Trnovec, sađena vulica
po njoj mi se šeče modra fijolica
po njoj mi se šeče modra devojčica
modra devojčica, imenom Barica
- komu me jostavljaš?
- ja tebe jostavljam svojemu pajdašu, Hodalin Jendrašu
koj' te čuval bode dok ja dimo dojdem
zbogom mi ostani, grličica moja
grličica moja, imenom Barica
zbogom mi ostani, imenom Barica
on te čuval bode, on te ljubil bode
dok ja dimo dojdem, ja te ljubil bodem
Đelekovec, Podravina, Hrvatska

"Trnovec je vojnička ljubavna pjesma. Budući vojnik oprašta se od svog doma i svoje drage. Moli svog prijatelja, Hodalin Jendraša, da mu čuva dragu sve dok se jednog dana ne vrati. Trnovec je ulica u Đelekovcu. Hodalin Jendraš umro je 1934. u 68. godini života."  - album "Sneha", Gordana Evačić

Prošla jesen, Maro

prošla jesen, Maro, došla sveta Kata
vudaje se, Maro, dosta je dukata

oj, devojko Maro, celo leto moja
a na jesen, Maro, pojde za drugoga

za drugoga, Maro, para povolnoga
za drugoga, Maro, za pajdaša moga


Turopolje, Hrvatska