Kukuvača

kukuvača kukuvala
pred Petrovo den

je to leto toplo leto
pred Petrovo den

žnači dojdeju na pole
ležeju pod klen


Turopolje, Hrvatska

Četiri frtalji

vu jene su leti četiri frtalji

ki v ljubavi živu, jim su jako mali

s' sake tožne vrbe visi doli kita

naša ljubav, draga, nije istinita

ljubili se jesmo kak i dva golubi

al smo se rezišli s poleg drugih ljudi

dej bi drugi znali to naše ljubljenje

ne bi nam želeli širom rezdruženje

širom rezdruženje išče ne želimo

dok još mi dva, draga, v jen grob ne dospimo

dok bu grob kre groba, mila kre dragoga

ondaj se bu znalo što je ljubil koga

Međimurje, Hrvatska

Ružmarin je precvel

ružmarin je precvel, aleluja, lani
da mene moj mili ostaviti kanil

- či si me, moj mili, ostaviti kanil
ti bi bil mej moral povedati lani

kaj bi se ja bila s klinčecom spoznala
od moje mladosti z milim nadragala

- ja sam k tebi hodil tri frtalje leta
nisam ti načinil maloga deteta

ja sam tebi hodil vrlo i pošteno
budi tej ružica v srcu oproščeno


Međimurje, Hrvatska

Tri javorki

izrasal je zelen trsak
daj nam Bože dobro leto!
zelen trsak, muškotelak
pod njim leži belo telo
belo telo, dobri Jezuš
iz ruke mu roža cvate
roža cvate, Majka Boža
izrasli su tri javorki
tri javorki, lipi Jože
iz ruke mu cvate roža
lipa roža trumbaševska
lipi Jože, lipa Magde
oni skupa k maši hode
k maši hode, Boga mole
da im Bog da mlada sina


Novigrad na Dobri (frankopanski grad), Pokuplje, Hrvatska

Devetstopetnajsto leto

devetstopetnajsto leto meni jako je žalosno
ja bom moral nuter iti, tebe draga ostaviti
v žalosti

Međimorje kak si lepo se si bilo v jednem cveto
ružice po sod cvetejo, moje srce veseli se
v radosti

lepo cvetje si sadila, njemu si se veselila
tu je raslo pod oblokom, dej mi draga desno roko
idem ja

dej mi draga desno roko, ve te lubim zadnjo nočko
od ve pak bom puško, sabljo, ke bom nosil po orsagu
horvackom


Murski Krstur (Murakeresztúr), Pomurje, Mađarska / Međimurje, Hrvatska

V jutro rano dimo dojdem

v jutro rano dimo dojdem, draga moja grlica
domaj nikoga na najdem ar sem jako žalosna

to je moja majka kriva ka je mene rodila
bole da me zdavnja bila, črna zemla pokrila

kaj ne znala ovu žalost koju moram trpeti
vu najlepši mladi leti brez goloba živeti

Pustara (Semjénháza), Pomurje, Mađarska

Zbogom mi ostani

prvoga oktobra rano sunce zide
iz mojega srca vse veselje 'tide

mi smo se peljali kre Legradske gore
de smo zadič vidili malo Međimurje

Međimurje malo, mesto mi rođeno
de sam si ostavil grlicu ljubljenu

zbogom mi ostani, moja grličica
več tri leta ne boš vidla moja lica


Međimurje, Hrvatska

Došlo nam je vrieme

došlo nam je vrieme tuge i žalosti
žalost nieje moči spisati zadosti

meseca augusta, deneka drugoga
ostavil sam para srcu povoljnoga

devetsto štirnajsto leto se pisalo
da se moje ime od majke brisalo

ob dvanojsti vuri počel cug gibati
na to je morala bonda zaigrati

kričanje se čulo, zbogom mili sini
samo verni bojte svoji domovini

tri dni i tri noči mi smo se peljali
na ruski granici doli s cuga stali

onda k regimentam svojim maršerali
ki smo pre Lublinu tabora držali

jafkanje se čulo, rane mi zaveži
hodi pajdaš k meni, morti bo mi leži

ja sem išel k njemu kaj ga zdignem gori
al na moju žalost on več ne govori

jan se sim prehiti, drugi tam opadne
nit ja tožen ne znam de mi sonce zajde
__________________________

Times of Sorrow

the times they are of sadness, sorrow and good-byes
what will come tomorrow? only tears and sighs

'twas the month of August, on it's second day
when I had to leave my sweetheart, forced to go away

the year was 1914, perhaps you don't know
when my dear old mother had to see me go

at the hour of midnight we were on our way
and as the train was leaving, the band began to play

voices of our loved ones shouted - farewell, sons
be true to your homeland when you use your guns

at the Russian border we got off the train
all our dearest loved ones ne'er to see again

moans I heard quite near me - come my wounds to tie
come and sit beside me, I feel I shall die

I went to be near him and to help him rise
but his life just faded before my very eyes

one falls down beside me, the next one over there
shall I see the sunrise, no-one seems to care


Međimurje, Hrvatska

engleski prepjev - Dunja Knebl

Vuprem oči

vuprem oči vu to nebo visoko
tam ja vidim, svetle zvezde igrajo

či mi bole svetle zvezde igrajo
bole moje mlado srce kalajo

mene majka saki denek karala
kaj nej k letu malo dete čuvala

nikaj zato ako bi je čuvala
bole bi se za ljubav zmišljuvala


Međimurje, Hrvatska

Sneha

ja sem sneha jako mlada
saki mi se mlad dopada
bil on velik ili mali
on me saki rada fali

u tom bila moja sreča
ostala sem pak noseča
poroda sem bila laka
rodila sem dva junaka

kad se mužek vratil dimo
našel si je po dva sina
naj se mužek niš srditi
tak je v sili mutno biti

v Taliji si ti ratuval
a drugi me doma čuval
to je puno dvanajst let
za me bil je teški svet


Peteranec, Podravina, Hrvatska
"Pjesma potječe iz vremena austrijsko-talijanskog rata za Radetzkoga (oko 1848). To je istinita priča o mladoj ženi čiji je muž u vojnoj službi. Ne znajući hoće li se on ikada vratiti, ona utjehu pronalazi s drugim i postaje majka dvaju sinova. Njen se suprug vraća nakon punih dvanaest godina izbivanja i neizvjesnosti. Kod kuće nalazi svoju ženu s dva sina, a ona ga moli za razumijevanje i kaže mu neka se ne ljuti jer i njoj je bilo teško izdržati nedaće i samoću." - album "Sneha", Gordana Evačić

Prošla jesen, Maro

prošla jesen, Maro, došla sveta Kata
vudaje se, Maro, dosta je dukata

oj, devojko Maro, celo leto moja
a na jesen, Maro, pojde za drugoga

za drugoga, Maro, para povolnoga
za drugoga, Maro, za pajdaša moga


Turopolje, Hrvatska