Primem pero svojo roko desno

primem pero svojo roko desno

pak napišem kaj mi na bo kesno

draga moja, dva pot sem ti pisal

trejti pot te bodem srca zbrisal

ti si boš to unda sama kriva

bole der te zemlica pokrila

vo Dobravi dva dečki zebrali

koji jeso lepo ljubit znali

obedva so malo črnokožni

vu ljubavi so najbole složni

draga mama, vrata jim otprite

koj bo lepši, nuter ga postite

Donja Dubrava, Međimurje, Hrvatska

Ja si jašem na konjaru

ja si jašem na konjaru
vu Gradišče na Senjaru

tam si stavim vrance konje
svietel miesec pazi na nje

svietel miesec pazi na nje
vre si v jutro dojdem po nje

ve si pojdem grličici
svojoj dragoj polovici

oj, Jelkica, kaj ve bode?
spuknula se veha z vode

cielo selo znalo bode
ar kre Mure ljudi hode

Jelkica je fiest pucica
cvietu jena biela lica

cecki su joj tak napeti
kaj je v roke fajn prijeti


Međimurje, Hrvatska

Nečem tebe niti tvoje ruže

nečem tebe niti tvoje ruže
niti tebe več ljubiti duže

uzmem pušku počnem navijati
moja draga prek plota skakati

bele roke lepoga držanja
črne oči grličice moje

ako hočeš moja žena biti
moraš meni rudasta hoditi

komaj čekam dok nedelja dojde
kaj moj golob kre me hiže projde

ti si meni v mojoj tožnoj glavi
ka je klinčec vu zelenoj travi


Međimurje, Hrvatska

Devetstopetnajsto leto

devetstopetnajsto leto meni jako je žalosno
ja bom moral nuter iti, tebe draga ostaviti
v žalosti

Međimorje kak si lepo se si bilo v jednem cveto
ružice po sod cvetejo, moje srce veseli se
v radosti

lepo cvetje si sadila, njemu si se veselila
tu je raslo pod oblokom, dej mi draga desno roko
idem ja

dej mi draga desno roko, ve te lubim zadnjo nočko
od ve pak bom puško, sabljo, ke bom nosil po orsagu
horvackom


Murski Krstur (Murakeresztúr), Pomurje, Mađarska / Međimurje, Hrvatska

Tica lastavica

tica lastavica, ti buš moja poštarica
ti buš nesla mojoj dragoj ljubeznoga lista

či ju najdeš na obloku, metni joj na roku
či ju najdeš na postelji, na grudi joj deni

ah ta, ne boj me se srce, ja ću te uzeti
i rumeno tvoje lišce ljubiti do smrti


Podravina, Hrvatska

I za ovu je pjesmu malo vjerojatno da je, zapravo, nastala u Podravini. Kondicinalni oblik koji počinje sa či nije svojstven podravskim dijalektima. Nije čest niti o koji dolazi od u (ruka > roka) pa je i ova pjesma, najvjerojatnije, napisana u Međimurju.

Divojka se šetala

divojka se je po vrtu šietala
žalosno se vu rože zagliedala
- oj rožice, srca moga radosti
povečte mi zakaj sam vu žalosti

rožice su ne znale povedati
zakaj ji je srčece vu žalosti
ona ih je milo z rokom dragala
i nad jimi ovak zapopievala

- to vam želim drage, moje rožice
da vam se nej nigdar skrilo sončece
naj vas v noči zviezdice odgajajo
a v jutro pak rosice napajajo

naj vam tihi dežđek pere glavice
kaj budem vas liepše vidla, rožice
naj vas vu vručini vetrek prehladi
kaj nau mogla nit' jedna poviehnuti

dok sam mlada kaj bum z vama vesela
ali ne znam kome bi vas davala
majke, oca niemam zdavnja živoga
a dragoga izdaj nemam svojega


Međimurje, Hrvatska