Stani mi se, Marica

- stani mi se, Marica
svanula je zorjica

Marica se stajala
goloba ostavljala

- pitam tebe, Marica
kaj te boli glavica?

- ne boli me glavica
neg me boli srčece

za onoga goloba
koga ljubim srčeca


Međimurje, Hrvatska

Markec išel v taborec

Markec išel v taborec, domaj stavil Katicu
domaj stavil Katicu, lepu vrtnu ružicu

- oj mamica, mamica, pazite na Katicu
kad bu dete rodila, podajte joj vodicu

kad to dete rodila, majka toči pehara

- oj mamica, mamica, de je naša Katica?
- kaj ti ja znam kam ti je, dišla ti je na pole

Markec zezul čižmicu, pak je vudril narbicu
vrata se otvorila, nutri videl mrtvi dva

- oj mamica, mamica, id'mo mi dva ruže brat
kaj 'mo mrtve kinčali, n' drugi svet otpravljali

kad se majka prignula da otrgne ružicu
Markec spuknul sablicu, 'dseče majki glavicu

- idi glava za glavom, idi duša za dušom
ti fčinila mrtve dvam ja načinil tretjega


Hrvatsko zagorje, Hrvatska

Glavica me boli

glavica me boli od samoga čela
nisam bila z dragim denes niti fčera
denes niti fčera niti zutra nabom
daj Bog da bi bila v Gornjem kraju kmica
kaj bi si ja ljubil Maričina lica
Maricu bi ljubil, Marica bi mene
ali da je dalko Marica od mene
visokoga čela, navek je vesela
črne obravice, s pametne glavice


Međimurje, Hrvatska