Lipa Mare

Lipa Mare v polji šeće
po Turačkom ravnom polji
Turki su ju zagledali
iz daleka napijali

- Bog ti pomoz', lipa Mare
za turačko ti spoznanje!

Turski su ju opojili
da ni znala s kim je spala
je li s Turkom, al' s kršćanom
al' s židovskim Barabašem

kad se v jutro rano vstala
svilne nadre razžužljane
žute kose razpuhane
a krilo je razkrojeno

- oh, joj, meni, lipoj Mari
nit sam snaha, nit divojka


Sabara / Zuberbach / Szabar, Gradišće, Austrija

Ja si jašem na konjaru

ja si jašem na konjaru
vu Gradišče na Senjaru

tam si stavim vrance konje
svietel miesec pazi na nje

svietel miesec pazi na nje
vre si v jutro dojdem po nje

ve si pojdem grličici
svojoj dragoj polovici

oj, Jelkica, kaj ve bode?
spuknula se veha z vode

cielo selo znalo bode
ar kre Mure ljudi hode

Jelkica je fiest pucica
cvietu jena biela lica

cecki su joj tak napeti
kaj je v roke fajn prijeti


Međimurje, Hrvatska

Tu je dikla ka je meni draga

tu je dikla ka je meni draga
tu je draga ka ju odgovara
nejdi matka za toga junaka
ti je junak vjera i nevjera
večer veli - uzet ću te draga
jutro rano - bom si pital majku
o poldanu - ne da mi te majka
a na večer - ja te ni sam neću
jer si mi se majki zamerila
kad si išla na bunar po vodu
druge dekle škafe popirale
a ti si ga mahom nalejala
druge dikle gladko počešljane
a ti si mi sama raztromana
druge dikle noge si oprale
a tvoje su crne i krastave


Novigrad Podravski, Podravina, Hrvatska

V jutro rano dimo dojdem

v jutro rano dimo dojdem, draga moja grlica
domaj nikoga na najdem ar sem jako žalosna

to je moja majka kriva ka je mene rodila
bole da me zdavnja bila, črna zemla pokrila

kaj ne znala ovu žalost koju moram trpeti
vu najlepši mladi leti brez goloba živeti

Pustara (Semjénháza), Pomurje, Mađarska

Divojka se šetala

divojka se je po vrtu šietala
žalosno se vu rože zagliedala
- oj rožice, srca moga radosti
povečte mi zakaj sam vu žalosti

rožice su ne znale povedati
zakaj ji je srčece vu žalosti
ona ih je milo z rokom dragala
i nad jimi ovak zapopievala

- to vam želim drage, moje rožice
da vam se nej nigdar skrilo sončece
naj vas v noči zviezdice odgajajo
a v jutro pak rosice napajajo

naj vam tihi dežđek pere glavice
kaj budem vas liepše vidla, rožice
naj vas vu vručini vetrek prehladi
kaj nau mogla nit' jedna poviehnuti

dok sam mlada kaj bum z vama vesela
ali ne znam kome bi vas davala
majke, oca niemam zdavnja živoga
a dragoga izdaj nemam svojega


Međimurje, Hrvatska