Ki so dečki kaj valjali

ki so dečki kaj valjali
na konjaro so jahali

ki so dečki nevaljanci
sam gledido de so žganci

ki so dečki črlenejši
Marici so povolnejši

Marica je fajn snešica
joj se šika pocolica

nosi krčmar holbu vinca
kaj bo pila ma Marica


Međimurje, Hrvatska

Dober večer, gospodar

dober večer, gospodar
budi vesel ino zdrav
ze sum tvojum družinom
zmalum ino velikum
naj se bi žnum raduval
stani gore, gospodar
hiti se na halu tu
stani gore na svoj dvor
pred dvorom je zelen bor
po jdnem stoji vranec kojn
na jnem sedi sinek tvoj
vu ruke mu sulica
na sulice jabuka
na jabuke kitica
na kitice tičica
ona lepo speva ve
svojemu gospodaru
da mu obrodila šenica belica
i črleno vince
podaj nam ga gospodar


Turopolje, Hrvatska

Moj Đurinec

moj Đurinec vince toči
v jedni vuri po polnoči
k njemu došel jeden gospon
pa ga prosi njegvu ljubu

- dej ti meni svoju ljubu
ja ti dadem sto talerov
jeden denek za spomenek
jednu nočku za ljubavcu

- idi moja žena, idi
bumo meli sto taleri
idi moja žena, idi
bumo meli sto taleri

prošel denek za spomenek
prešla nočca za ljubavcu
- nega moje žene dimo
stari majka ite po nju!

- hodi moja sneha dimo
moj se sinek jako plače!
- naj se plače kak se oče
mene dimo nigdar ne bo!

koj me kupil, bo me ljubil
koj me prodal, bo me zgubil
nesu ljube za prodaju
neg su ljube za ljubavu!


Međimurje, Hrvatska

Šuma

šuma, šuma, šuma zelena
- što bu tebe šuma sekil
da ja budem sablju zvlekil?
šuma, šuma, šuma zelena

polje, polje, polje široko
 -što bu tebe polje oral
da ja budem iti moral?
polje, polje, polje široko

trava, trava, trava zelena
- što bu tebe trava kosil
da ja budem pušku nosil?
trava, trava, trava zelena

draga, draga, draga ljubljena
- što bu tebe draga ljubil
da ja budem glavu zgubil?
draga, draga, draga ljubljena

SZ  Hrvatska


oj, vince, vince, vince čerljeno
kdo te bude vince piti

kad ja budem v zemlji gnjiti?

oj, trava, trava, trava zelena

kdo te bude trava kosit

kad ja budem sablju nosit?

oj, roža, roža, roža rumena

kdo te bude roža trgat

kad ja budem maširovat?

Veliki Borištof / Großwarasdorf  / Szabadbáránd, Gradišće, Austrija

Kad ja čujem za jigrače

kad ja čujem za jigrače da mi jigraju
onda moje potkovice mira ne daju

furman bi se vozio, kola su teška
konji su mlahavi, mošnjica j' meka

bila ta mošnjica puna dukata
sidil bi za peću, kuril tumbaka

pij, brace, pij, tr se ga napij

moga vinca črljenoga
z borovicu mišanoga

pij, brace, pij, tr se ga napij

Marica škarica j' guščiće pasla
tr joj je velika rožica zrasla

Marica škarica, koga bi rada?
pekljara, šekljara z bijeloga grada



Gradišće, Austrija