Kojni moji

kojni moji, kojni moji
kojni sokolovi, oj kojni moj'

kojna imam, kojna imam
a kojnara nimam, oj kojni moj'

prijel se je, prijel se je
kolo naokolu, oj kojni moj'

vrane kojne, vrane kojne
puščal po sem polu, oj kojni moj'

podaj drago, podaj drago
čez se kolo ruku, o kojni moj'

ja bum tebe, ja bum tebe
črlenu jabuku, oj kojni moj'


Turpolje, Hrvatska

Pod oblokom slivica

pod oblokom slivica de stanuje Marica (čuhaj)
čekala je goloba do dvanojste vurice
do dvanojste vurice, do rumene zorjice (čuhaj)
ne se mogla fčakati, pričela se plakati (čuhaj)
dober večer, mamica, de je vaša Marica?
nega doma Marice, dišla je vu gorice
dišla je vu gorice po črlene jagode (čuhaj)
dober večer, Marica, je li čuješ, je li spiš?
niti čujem, niti spim, nit si za te ja mislim (čuhaj)
ovdi imam druge (dečke) tri, se tri lepše kak si ti (čuhaj)


Međimurje, Hrvatska

Prva i druga ljubav

moja prva ljubau
črlenoga lica
druga moja ljubau
bljutavoga lica

prva šetala se
va svili, bumbaki
druga šetala se
va sribri i zlati

prva šetala se
va svili, bumbaki
ašče je junaki
v oči odnašali

druga šetala se
va srebri i zlati
oždie pa neće
niedan pogledati


Cvendorf (Zwerndorf), Moravsko polje / Marchfeld, Donja Austrija (granica Austrije i Slovačke)

Zvira voda

zvira voda iz kamena, hladna, studena
rasti ruža iz korena, lepa, črlena

divojčica ruže brala pak je zaspala
poleg jahal mladi junak, stiha ju budi

- stani gori divojčica, jel si zaspala?
ruže su ti povehnule ke si nabrala

dečki su se oženili ke si ljubila
se su dekle zamuž 'dišle ke si imela


Međimurje, Hrvatska

Sumartonek

Sumartonek, kak si lepi zeleni
z belim cvećem ve si ti zasađeni

Sumartona v Serdahel je lepi put
kod se šeće moj golubek vnogo pot

kupil sam ti, grličica, đunđeka
kaj bo' znala da si mene lubila

išče k tomu črlenoga pantleka
kaj si ga boš na đunđek svežuvala


Sumarton (Tótszentmárton), Pomurje, Mađarska

Sunčece črleno, ne shađaj mi rano

sunčece črleno, ne shađaj mi rano
ne shađaj mi rano, počekaj me malo

dok si ja našijem golobo rupčeca
gori mu našijem sunce i meseca

sunce i meseca i drobne zvezdice
što god videl bode, saki pital bode

gde je ona, mila, kaj je to našila
ona ti je, mila, prek sivoga morja

prek sivoga morja de nam shađa zorja
zdavna ju je črna zemlica pokrila


Mlinarci (Molnári) Pomurje, Mađarska / Međimurje, Hrvatska

Podravina ravna

pokraj vode Drave, ravna Podravina
zemla vodoplavna - nama domovina

nju otava bujna i detela krasi
lasi od koruze i šenice klasi

Podravina ravna s krovimi črlenim
i žotimi plasti - najdraža si meni

                #   #   #

i zlatnemi klasi - najdraža si meni


Dubravko Ivančan
Podravina, Hrvatska

"Ova je pjesma bila glavna tema legendarne dramske serije Gruntovčani (autora Kreše Golika snimljenje 1975. godine). Predivni stihovi pjesnika Dubravka Ivančana uz neponovljivu glazbu Živana Cvitkovića postali su svojevrsna himna Podravine." - album "Sneha", Gordana Evačić

Čula jesam

čula jesam da se dragi ženi, srce moje
jagoda malena, jagoda črlena
pozdravi mi v Koprivnici dragoga

nek se ženi, to je drago meni, srce moje
jagoda malena, jagoda črlena
pozdravi mi v Koprivnici dragoga

i ja ću mu u svatove doći, srce moje
i ja ću mu lepi dar donesti, srce moje
v levoj ruki kitu ružmarina
v desnoj ruki malenoga sina
pozdravite v Koprivnici dragoga


Koprivnički Ivanec, Podravina, Hrvatska
"Priča o neuzvraćenoj ljubavi. Mlada, neudana majka. seljanka, pjeva svom nevjernom draganu, gradskom gospodinu." - albumi "Sneha", Gordana Evačić & "Da sam barem guska", Dunja Knebl

Kraj črlenog morja

kraj črlenog morja
krvav boj se bije
a devojka mlada
pod borom se smije

izvana se smije
vu srcu se plače
na spodobu đunđa
sive suze stače

- divojčica mila
zakaj tak tuguješ?
zakaj tužbu svoju
več sama valuješ?


Međimurje, Hrvatska