Mara

de je Mara bele noge prala
noge prala, vu Dunaj opala
podaj čamec, vutopi se Mara
naj se vtopi ar je krivna bila
mnogoga je za groš prevarila
a soldata za sedam dukata


Turopolje, Hrvatska

Baroš, oj, Barice

- Baroš, oj, Barice, kaj sam čul za tebe!
kaj sam čul za tebe, da te drugi ljube
- Ne veruj golobek, ne veruj nikomu
- Kak bi nej veroval ako sam sam videl
da su ti soldati čižmice zbirali
- Naj so je zbirali, neso je plačali
sama sam plačala svojemi krajceri
svojemi krajceri, svojemi dukati.


Međimurje, Hrvatska

Štimala je majka

štimala je majka da je nahranila
da je nahranila vu polju težaka

neje nahranila vu polju težaka
neg je nahranila cesaru soldata

soldat moram biti makar mi vumreti
puškicu, sablicu moral bum nositi


Međimurje, Hrvatska

Junaki se z vizite pelaju

junaki se z vizite pelaju
lepe pesmice si zapopevaju
zginulo je srčece, majki povolno dete
nega domaj, dišel je med soldate

podaj meni ružica rukicu
več je bela zorjica po svetu
ja bom moral oditi, tebe domaj staviti
naj se draga tak žalosno plakati

počnem listek pisati vu noči
sozne joči brisati vu žalosti
nočka me je obstrla, pisati sam ne mogla
čakala sam ja deneka beloga

predi me zakopaju nek tebe
na grobek mi posadiju ružice
ke se bodu zvijale sako leto v oktobra
na spomenek našega rezdruženja


Pomurje, Mađarska

Dekle vu Sumartonu

dekle, dekle, dekle vu Sumartonu
na kraj sela jako retko igraju

dokle budem lumpuval?
dokle budem lumpuval?

ako pojdem med soldate
se dekle se budu jako plakale

zakaj, zakaj, zakaj morali bi
vu tuđini bečkom caru služiti?

ne bom išel nikam ja
domaj budem ostal ja

ta ma draga grličica
nigdar se ne jako tužno plakala


Sumarton (Tótszentmárton), Pomurje, Mađarska