Kukuvača

kukuvača kukuvala
pred Petrovo den

je to leto toplo leto
pred Petrovo den

žnači dojdeju na pole
ležeju pod klen


Turopolje, Hrvatska

Kojni moji

kojni moji, kojni moji
kojni sokolovi, oj kojni moj'

kojna imam, kojna imam
a kojnara nimam, oj kojni moj'

prijel se je, prijel se je
kolo naokolu, oj kojni moj'

vrane kojne, vrane kojne
puščal po sem polu, oj kojni moj'

podaj drago, podaj drago
čez se kolo ruku, o kojni moj'

ja bum tebe, ja bum tebe
črlenu jabuku, oj kojni moj'


Turpolje, Hrvatska

Kaj je tebi, mila?

- kaj je tebi, mila, kaj za pečum stojiš?
kaj za pečum stojiš, sive suze roniš?

pitam tebe, Treza, kod je tvoja steza?
- Moja ti je steza vo široko pole

- pojdi, mila, z menom v pole na šetanje
usrid nam je polja javorek zeleni
tu si, mila, sedi pa mi se rashladi


Hrvatsko zagorje, Hrvatska

Pitam tebe, Maro

- pitam tebe, Maro, gde tvoj par počiva?
- na ratkovskom polu, na kuruzu pazi

- idi, golob, idi, pa mi para streli
prvič puška poči, Joža gori skoči

drugoč puška poči, v Jožefove prsi
on si je zaviknul - Jezuš i Marija!

Jezuš i Marija, pune prsi špriha
- pitam tebe, Maro, jel te boli srce?


Međimurje, Hrvatska

Nakon što se Mara i njen ljubavnik uspješno rješavaju Marinog muža, nju progoni glas koji ju pita da li se kaje. Vjerojatno se radi o Ratkovcu kod Zlatara, u Hrvatskom zagorju.

Markec išel v taborec

Markec išel v taborec, domaj stavil Katicu
domaj stavil Katicu, lepu vrtnu ružicu

- oj mamica, mamica, pazite na Katicu
kad bu dete rodila, podajte joj vodicu

kad to dete rodila, majka toči pehara

- oj mamica, mamica, de je naša Katica?
- kaj ti ja znam kam ti je, dišla ti je na pole

Markec zezul čižmicu, pak je vudril narbicu
vrata se otvorila, nutri videl mrtvi dva

- oj mamica, mamica, id'mo mi dva ruže brat
kaj 'mo mrtve kinčali, n' drugi svet otpravljali

kad se majka prignula da otrgne ružicu
Markec spuknul sablicu, 'dseče majki glavicu

- idi glava za glavom, idi duša za dušom
ti fčinila mrtve dvam ja načinil tretjega


Hrvatsko zagorje, Hrvatska

Veter

- veter, veter, dragi veter, ti prijatel moj
poveč de mi je moj dragi? - dišel je vu boj

- ja budem povedal de ti on leži
njegvo telo tam vu polu rosica hladi

njegvo lice sunce peče, mesec pokriva
njegvo čelo, njegve lasi - dežđek poliva

on ti leži tam na polu, več ti ne živi
to ti povem kaj boš znala - on ti trdo spi

draga moja naj za njega više pitati
ar se njega nazaj dimo nečeš včekati


Međimurje, Hrvatska

Moje srce

moje srce z ognjem, žveplom, požgano
da ne najdem svoju dragu ljubljenu

ja se šečem vu to pole široko
tam se zglednem vu to nebo visoko

gde mi lepo jasne zvezde igraju
ke mi moje tužno srce kalaju

ak prehodim tu zelenu šumicu
je li najdem svoju dragu grlicu?

ak pregazim tu globoku vodicu
je li najdem svoju dragu grlicu?


Međimurje, Hrvatska