Dober večer, me ljudi!

- dober vam večer, me ljudi!
daj vam Bog zdravlje, veselje!
Marija stoji na zvezdah
sineka drži na rukah
a sinek drži zlatni križ
na križu je zapisano
se te dvenajst apoštolov
apoštoli su pitali
- de ovo dete rođeno?
- med ovu drobnu živicu
živica ti je spoznala
da je to sami večni Bog


Hrvatsko zagorje, Hrvatska

Zišla nam je Denica

zišla nam je Denica
ne nam je pak to Denica
več je Marija Devica
to novo leto pofalimo
to dete maleno molimo

idemo na doleče
na to malo gmajneče
na to malo gmajneče
to novo leto pofalimo
to dete maleno molimo

na gmajnici crkvica
vu crkvici zlat jantar
vu crkvici zlat jantar
to novo leto pofalimo
to dete maleno molimo

na jantaru Marija
v rukah drži sineka
v rukah drži sineka
to novo leto pofalimo
to dete maleno molimo

sinek drži zlati križ
čim prekriži vas i nas
čim prekriži vas i nas
to novo leto pofalimo
to dete maleno molimo


Hrvatsko zagorje, Hrvatska

Dober večer, gospodar

dober večer, gospodar
budi vesel ino zdrav
ze sum tvojum družinom
zmalum ino velikum
naj se bi žnum raduval
stani gore, gospodar
hiti se na halu tu
stani gore na svoj dvor
pred dvorom je zelen bor
po jdnem stoji vranec kojn
na jnem sedi sinek tvoj
vu ruke mu sulica
na sulice jabuka
na jabuke kitica
na kitice tičica
ona lepo speva ve
svojemu gospodaru
da mu obrodila šenica belica
i črleno vince
podaj nam ga gospodar


Turopolje, Hrvatska

Najnička

- dober večer, Najničko!
kaj mi ti sad radiš?
- z levom nogom sinka zibam
z rukami, pak, radim

- tvoj se dragi je oženil
tebe je ostavil
- to, pak, nije istina
snočka je pri meni bil

snočka je pri meni bil
prsten mi je ostavil

- če ne verješ, Najnička
idi na vrh gore
tam buš čula uškanje
preveselo igranje

išla Najnča vu goru
tam je čula uškanje
tam je čula uškanje
preveselo igranje

ona se je vrnula
na žalosno srce
odma zela motiku
nakopa korenje

odma je pristavila
bez vode i granja
počelo zavirati
počel dragi vmirati

njoj doleti deverec
- dober večer, Najnča!
kaj si to napravila?
mladi dragi vmira

- nisam niš napravila
nisam ga ni vidla
- nisam niš napravila
nisam ga ni vidla


Hrvatsko zagorje, Hrvatska

Moj Đurinec

moj Đurinec vince toči
v jedni vuri po polnoči
k njemu došel jeden gospon
pa ga prosi njegvu ljubu

- dej ti meni svoju ljubu
ja ti dadem sto talerov
jeden denek za spomenek
jednu nočku za ljubavcu

- idi moja žena, idi
bumo meli sto taleri
idi moja žena, idi
bumo meli sto taleri

prošel denek za spomenek
prešla nočca za ljubavcu
- nega moje žene dimo
stari majka ite po nju!

- hodi moja sneha dimo
moj se sinek jako plače!
- naj se plače kak se oče
mene dimo nigdar ne bo!

koj me kupil, bo me ljubil
koj me prodal, bo me zgubil
nesu ljube za prodaju
neg su ljube za ljubavu!


Međimurje, Hrvatska

Snočka kesno

snočka sam si kesno ljubicu dopeljal
ona nije štela nikaj večerjati

taki po večerji glava zabolela
vu rumenu zorju sineka rodila

ona poželela to medeno grozdje
s kraljevoga vrta, s dalmatina trsa

- idi, Đuro, idi, pak mi ga donesi
samo, Đuro, pazi, da te ne zapazi
ta mlada kraljica

prvi grozd zareže, sretno ga odreže
drugi grozd zareže, sretno ga odreže

treći grozd zareže, nesretno ga 'dreže
spazila je njega ta mlada kraljica
mam ga je strelila

- vidiš, Đuro, vidiš, svoju milu dragu
vidiš, Đuro, vidiš, jenu velku želju

to je tebi treba, tvoji mladi ljubi
kaj si to ti želiš, kaj je tuđi ljudi


Međimurje, Hrvatska