Stani mi se, Marica

- stani mi se, Marica
svanula je zorjica

Marica se stajala
goloba ostavljala

- pitam tebe, Marica
kaj te boli glavica?

- ne boli me glavica
neg me boli srčece

za onoga goloba
koga ljubim srčeca


Međimurje, Hrvatska

Nečem tebe niti tvoje ruže

nečem tebe niti tvoje ruže
niti tebe več ljubiti duže

uzmem pušku počnem navijati
moja draga prek plota skakati

bele roke lepoga držanja
črne oči grličice moje

ako hočeš moja žena biti
moraš meni rudasta hoditi

komaj čekam dok nedelja dojde
kaj moj golob kre me hiže projde

ti si meni v mojoj tožnoj glavi
ka je klinčec vu zelenoj travi


Međimurje, Hrvatska

Pod oblokom slivica

pod oblokom slivica de stanuje Marica (čuhaj)
čekala je goloba do dvanojste vurice
do dvanojste vurice, do rumene zorjice (čuhaj)
ne se mogla fčakati, pričela se plakati (čuhaj)
dober večer, mamica, de je vaša Marica?
nega doma Marice, dišla je vu gorice
dišla je vu gorice po črlene jagode (čuhaj)
dober večer, Marica, je li čuješ, je li spiš?
niti čujem, niti spim, nit si za te ja mislim (čuhaj)
ovdi imam druge (dečke) tri, se tri lepše kak si ti (čuhaj)


Međimurje, Hrvatska

Celo selo se spomina

celo selo se spomina, da me golob več ne štima
ej, haj, zelen bor, štima mene golob moj

celo selo ovak trdi, da se na me golob srdi
ej, haj, zelen bor, ne srdi se golob moj

celo selo ve respravlja, da me moj golobek 'stavlja
ej, haj, zelen bor, ne 'stavlja me golob moj

celo selo ovak veli, da se moj golobek ženi
ej, haj, zelen bor, ne ženi se golob moj

naj govori celo selo, moje srce je veselo
ej, haj, sve selo, moje srce veselo

gdegod bodem ja delala, sigdi si bom popevala
ej, haj, delala, pak si bom popevala


Međimurje, Hrvatska

V jutro rano dimo dojdem

v jutro rano dimo dojdem, draga moja grlica
domaj nikoga na najdem ar sem jako žalosna

to je moja majka kriva ka je mene rodila
bole da me zdavnja bila, črna zemla pokrila

kaj ne znala ovu žalost koju moram trpeti
vu najlepši mladi leti brez goloba živeti

Pustara (Semjénháza), Pomurje, Mađarska

Mega srca koren

daj pogledni na 'vo sonce žarko
kak je 'd mene dragi golob dalko
kak je 'd mene, drago srce moje, dragi golob dalko

nemrem reči niti pak doseči
neg mu moram listeka pisati
neg mu moram, drago srce moje, listeka pisati

ti si, golob, mega srca koren
lepše te ja ljubiti ne morem
lepše te ja, drago srce moje, ljubiti ne morem


Velika Kaniža (Nagykanizsa), Pomurje, Mađarska

Sunčece črleno, ne shađaj mi rano

sunčece črleno, ne shađaj mi rano
ne shađaj mi rano, počekaj me malo

dok si ja našijem golobo rupčeca
gori mu našijem sunce i meseca

sunce i meseca i drobne zvezdice
što god videl bode, saki pital bode

gde je ona, mila, kaj je to našila
ona ti je, mila, prek sivoga morja

prek sivoga morja de nam shađa zorja
zdavna ju je črna zemlica pokrila


Mlinarci (Molnári) Pomurje, Mađarska / Međimurje, Hrvatska

Na štacijonu

na štacijonu vura toče
moj me golob s cuga joče

- hodi golob s cuga dolji
moje srce se rezkolji

- ja ti nemrem z cuga ziti
moram vojsku odsljužiti

___________________

the station's clock is ticking, chiming
my sweetheart in the train is sighing

darling, please, get off this train
my heart will break into its pain

I cannot get off, my darling
I must go and serve the army


SZ  Hrvatska

engleski prepjev - Dunja Knebl

Muršček, Muršček

Muršček, Muršček, log zeleni
de si golob moj ljubljeni

ili gori, ili doli
ili pak vu hladnoj vodi

toga loga dam poseči

kaj bom vidla golob de si



Međimurje, Hrvatska