Snoćka kasno

snoćka sam si kasno ljubavku dopeljal
u polnoći ju je glava zabolila
a u ranu zora grojza zaprosila:

- pojdi, Ive, pojdi, va te vinograde
va te vinograde, po to zlato grozje

kad je Ive zašal va te vinograde
tud mi se gradčani k obidu spravljaju:

- hodi, Ive, hodi, da obidvujemo!
- nisam ja k vama došal da ja obidvujem
nego sam ja došal po to zlato grozje

- pojdi, Ive, pojdi, ter si ga natrgaj
ali mi se čuvaj Mare čuvarice

kad se 'e Ive pregnul po to zlato grozje
puknula je puška 'z toga vinograda
ter je ustriljila tu Ivinu glavu

Ivina je glava leteć govorila:
- proklet onaj budi vsaki mladi junak
ki mi vzimlje dćerku jedinu u majke

neg' si neka vzame sirotu u majke
jedina u majke preveć je prokšena


Santalek / Stegersbach / Szentelek, Gradišće, Austrija

Kada me zagledaš, lipoga viteza

kada me zagledaš, lipoga viteza
svitlo opravnoga, v žepih dost pineza
onda ćeš se kajat ča si učinila
da si tvoju misal v srdci umorila
ali će bit zaman vse tvoje kajanje
nut i obrh glave s rukami lamanje


Uzlop / Oslip / Oszlop, Gradišće, Austrija

Nečem tebe niti tvoje ruže

nečem tebe niti tvoje ruže
niti tebe več ljubiti duže

uzmem pušku počnem navijati
moja draga prek plota skakati

bele roke lepoga držanja
črne oči grličice moje

ako hočeš moja žena biti
moraš meni rudasta hoditi

komaj čekam dok nedelja dojde
kaj moj golob kre me hiže projde

ti si meni v mojoj tožnoj glavi
ka je klinčec vu zelenoj travi


Međimurje, Hrvatska

Regica je nesla koscom zajtreka

Regica je (šeja haj) nesla koscom zajtreka
pak je srela Jamborovog Đureka

visoko se (šeja haj) na njega ogledala
pak je korpo doli z glave hitila

dragi Đurek (šeja haj) daj mi reči kaj bom ve
našim koscom pak je rano zajtrek kre


Međimurje, Hrvatska

Šanti Jure

dobar večer, gospodari
gospodari, gospodinje
gospodari, gospodinje, i dečica i pčelice
fiole, rožice, modre i crlene

je li čujte, je li spiste?
podignite rosne glave
podignite rosne glave
nadeljujte šanti Jure

šanti Jure u zelenju
živi Bože u veselju!
naše glave s cvetjom cvele
vaše duše v raj dospele!

sveti Jura, vitez jaki
bil je prvi med junaki
koplje grabi, pred se meče
i pozoja strašno seče

kad pozoja vumorio
sve devojke otkupio
sve muzike zasvirale
sve devojke zaplesale


Hrvatsko zagorje, Hrvatska

Zove, Maro, zove

zove Maro, zove, zove Maro,
zove, Iva na večerju
hodi Iva, hodi, hodi Iva hodi
k meni na večerju

dišal Vajda z doma, vrezal si je kruha
na četiri dane
prvič puška poči na Dunajskom bregu
beži Iva, beži, Vajda ide dimo

nabom bežal, nabom, sama si me zvala
sama si me zvala i večerju dala

drugoč puška poči pred srednjim oblokom
beži Iva, beži, Vajda ide dimo

nabom bežal, nabom, sama si me zvala
sama si me zvala i večerju dala

tretjič puška poči pred hižnimi vrati

beži, Iva beži, Vajda je več doma

nabom bežal, nabom, makar glavu zgubim
sama si me zvala i večerju dala

Vajda v hižu stane, Maru v glavu streli
- to ti bodi, Maro koga si ljubila

puškicu je složil, na stol ju naložil
na stol ju naložil, sam je vu se sprožil


Međimurje, Hrvatska

Snočka kesno

snočka sam si kesno ljubicu dopeljal
ona nije štela nikaj večerjati

taki po večerji glava zabolela
vu rumenu zorju sineka rodila

ona poželela to medeno grozdje
s kraljevoga vrta, s dalmatina trsa

- idi, Đuro, idi, pak mi ga donesi
samo, Đuro, pazi, da te ne zapazi
ta mlada kraljica

prvi grozd zareže, sretno ga odreže
drugi grozd zareže, sretno ga odreže

treći grozd zareže, nesretno ga 'dreže
spazila je njega ta mlada kraljica
mam ga je strelila

- vidiš, Đuro, vidiš, svoju milu dragu
vidiš, Đuro, vidiš, jenu velku želju

to je tebi treba, tvoji mladi ljubi
kaj si to ti želiš, kaj je tuđi ljudi


Međimurje, Hrvatska

Za lepom Janicom

- stara majka, glavica me boli
- mili sinko, za kim te to boli?
- stara majka, za lepom Janicom
- Bog daj ti se, sinko, zagotila!
- stara majka, prhkemi kolači
- Bog daj ti se, sinko, vutopila!
- stara majka, vinu i rakiji
- Bog daj ti se, sinko, obesila!
- stara majka, meni oko vrata
- Bog daj ti se, sinko, zadušila!
- stara majka, z menom pod poplunom

Međimurje, Hrvatska

Šuma

šuma, šuma, šuma zelena
- što bu tebe šuma sekil
da ja budem sablju zvlekil?
šuma, šuma, šuma zelena

polje, polje, polje široko
 -što bu tebe polje oral
da ja budem iti moral?
polje, polje, polje široko

trava, trava, trava zelena
- što bu tebe trava kosil
da ja budem pušku nosil?
trava, trava, trava zelena

draga, draga, draga ljubljena
- što bu tebe draga ljubil
da ja budem glavu zgubil?
draga, draga, draga ljubljena

SZ  Hrvatska


oj, vince, vince, vince čerljeno
kdo te bude vince piti

kad ja budem v zemlji gnjiti?

oj, trava, trava, trava zelena

kdo te bude trava kosit

kad ja budem sablju nosit?

oj, roža, roža, roža rumena

kdo te bude roža trgat

kad ja budem maširovat?

Veliki Borištof / Großwarasdorf  / Szabadbáránd, Gradišće, Austrija

Dobar večer, moja draga

- dobar večer, moja draga
je li čuješ, je li spiš?

je l' te boli tvoja glava?
je l' te boli srce tve?

- ne boli me moja glava
ne boli me srce me

več ne čujem i ne spavam
premišljavam za tebe

- kak ti, draga, možeš biti
dva, tri, dana prez mene

- još nijedna misel moja
nemre biti prez tebe

dej mi ruku, dej mi lice
da ja mogu spavati


Hrvatsko zagorje, Hrvatska

Saka kita vehne ka korenca nema

saka kita vehne ka korenca nema
saka kita vehne ka korenca nema

- pitam tebe, draga, kaj se srdiš na me?
- ne srdim se na te, navek mislim na te

- dragi moj golobek, dalko si od mene
dalko si od mene kaj nebrem do tebe

- ti si meni, golob, v mojoj tožnoj glavi
kak je modro cvetje vu zelenoj travi

- dragi moj golobek, nebrem te zabiti
nebrem te zabiti nit srca spustiti

- tvoje mi je ime v srcu zasajeno
kakti v trdi kamen nuter zarezano


Međimurje, Hrvatska

Klinčec moj žalosten

klinčec moj žalosten, budi mi povoljen

med rumene glave budi mi položen

ružica, snešica, sedi se kre mene

sedi se kre mene, kre me desne strani

- morti su ti moje rečke suprotivne?

- nisu, golub, nisu, neg su mi povoljne

plačem se po dnevu, plačem se po noči

či mi ne veruješ, poglej suzne oči

ja sam kakti ftica koja para nema

tožan saki junak ki sve ljube nema

Međimurje, Hrvatska

Rajranje (Ptica sidi na topoli)

tri ribari ribe lovu...
raj raj raj raj raj rum...  ribe lovu
jur su jednu ulovili...
raj raj raj raj raj rum... ulovili
na sred su ju rasporili...
raj raj raj raj raj rum...rasporili

ptica sidi na topoli
povi mi mila ča te boli
glava boli, srce tuži
kad mi moj mili drugu ljubi

va njoj našli diesnu ruku
na ruki bil zlati prstanj
na prstanju dragi kamen
pod kamenom trava rastla

kad je mila pave pasla
raj raj raj raj raj rum... pave pasla
pavi su se razlietili
raj raj raj raj raj rum... razlietili
lipo perje pogubili
raj raj raj raj raj rum... pogubili

drugu ljubi simo tamo
a mene neće jutro rano
drugu ljubi na komini
a mene neće na blazini

mila je je pobirala
svim junakom podavala
još milomu j' najveć dala
zbog toga se j' bitka stala


Gradišće, Austrija