Iščem riču

koko mi je ža
ke na moj jezik
nimam riču za ti reč
sve što moj srce kaže

tako se pitam
pa nise razumija
zašto su ove čeljade
tu riču zabil

ču iskat riču
riču ču na
ču ju prosit sundzu
kada gre počinit
e ostane misto noč

ču prosit zdvizd
kada kratko pade
e rasvitli nebo
ču hi prosit vitru
kada bada šušnja
e ziblje svit

ču ti hi reč
kako izviri potok
palako, mučeno, bristro
e moči zemblje
do trave sve zelene

more bit sada
poznajem riču
za reč lipo
te hočem dobro


Gabriele Blascetta ("S našimi riči II", 2007)
Mundimitar (Montemitro), Molise, Italija

Ztraćena mladost

ej, kad sam ja biv mlad
sakomu sam biv drag
lipi moji mladi dni
ja vas jiskam, a vas nji


Nova Prerava (Neu Prerau), južna Moravska (granica Češke i Austrije)

Kako je lipo hodit

kako je lipo hodit
usri mora

a usri mora je
je na put

a sve ko je poša
je zgubija

je poša vlah moj
je dobija

kako je lipo hodit
usri mora


Štifilić / Filić (San Felice del Molise), Italija