V jutro rano dimo dojdem

v jutro rano dimo dojdem, draga moja grlica
domaj nikoga na najdem ar sem jako žalosna

to je moja majka kriva ka je mene rodila
bole da me zdavnja bila, črna zemla pokrila

kaj ne znala ovu žalost koju moram trpeti
vu najlepši mladi leti brez goloba živeti

Pustara (Semjénháza), Pomurje, Mađarska

Dva junaki

dva junaki šečeju se v Gornji kraj
tam imaju za ljubiti snehe fajn

da se oni svojim milam šečeju
vu jobloke belo cvetje mečeju

- stani mi se moja draga grlica
vu jobloku ti je šipek ružica!

grličica se je v jutro stajala
vu jobloku šipek ružu zgledala

vu jobloku šipek ružu zgledala
meni svoju desnu ruku davala

meni svoju desnu ruku davala
z levom si je sive suze brisala


Međimurje, Hrvatska

Zbogom mi ostani

prvoga oktobra rano sunce zide
iz mojega srca vse veselje 'tide

mi smo se peljali kre Legradske gore
de smo zadič vidili malo Međimurje

Međimurje malo, mesto mi rođeno
de sam si ostavil grlicu ljubljenu

zbogom mi ostani, moja grličica
več tri leta ne boš vidla moja lica


Međimurje, Hrvatska

Moje srce

moje srce z ognjem, žveplom, požgano
da ne najdem svoju dragu ljubljenu

ja se šečem vu to pole široko
tam se zglednem vu to nebo visoko

gde mi lepo jasne zvezde igraju
ke mi moje tužno srce kalaju

ak prehodim tu zelenu šumicu
je li najdem svoju dragu grlicu?

ak pregazim tu globoku vodicu
je li najdem svoju dragu grlicu?


Međimurje, Hrvatska

Mura, Mura

Mura, Mura, globoka si voda ti
da ne miluješ človeka ftopiti

mlinari so se jako prestrašili
da so vidli mrtvi telo plavati

čerkica se je na bregu plakala
Mura zakaj si nam zela japeka?

                  # # #

Mura, Mura, globoka si voda ti
ka si rezdružila naše ljubavi

ob dvanojsti vuri kupat se išel
neje, tožan, mislil ka ne vun zišel

ruku zdigne pak zavikne, Marica
zbogom mi ostani moja grlica


Međimurje, Hrvatska

Oj, Marek, Marica

oj, Marek, Marica, nit krop, nit vodica
niti mlada devojka, niti pak snešica

v Legradu pod turnom kaparu si dala
prelublena grlica, neš več z menom spala

kokoši i race moramo prodati
prelublena grlica, ne smemo se zdati


Međimurje, Hrvatska

Navodno bi ova pjesma mogla biti iz Hrvatskog Zagorja. Spominjanje Legrada svodi tu mogućnost na minimum. Iako je Legrad bio bogato mjesto s jakom židovskom zajednicom te su ljudi tamo, iz ekonomskih razloga, dolazili s raznih strana pa i vrlo udaljenih krajeva, najlogičnijim se čini da je pjesma nastala u nekom od sela blizu ušća Mure u Dravu, tj. na jugoistoku Međimurja, odakle ih dolazi vrlo velik broj. Zemljopisno označavanje pjesme isključivo prema informaciji zapisivača, a zanemarujući leksičke i dijalektične posebnosti te sam sadržaj pjesme - ne djeluje posve korektno niti smisleno. Ipak, puno je važnija ljepota, snaga i izražajnost ovih šest stihova nego njihovo možebitno zemljopisno podrijetlo.

Ogledam se iznenada na nebo

ogledam se iznenada na nebo
niega zviezdi, se su pale na zemlju
opala je moja mala zviezdica
hej, dojdi k meni, poljubi me, grlica

ar je našu ljubav teško tajiti
ispod grma fijolice pobrati
pobrala bi, al' me bode za ruku
hej, za kim ginem, ljubiti ga ne mogu

šuma, vrtič, liepo su ograjeni
liepšega nie nego kaj je med nami
nie za dugo sama bodem ostala
hej, od ljubavi toga bo mi nastala

nieje znala nit zeliena travica
kak sam volil tebe, draga grlica
več sam volil sake fele ružice
hej, al' ga i nie črez me drage grlice


Međimurje, Hrvatska