Dej mi, Bože, joči sokolove

dej mi, Bože, joči sokolove
išče k tomu perje labudovo

kaj preletel črez široko morje
i poljubil drago srce moje

vu meni je srčece zdrhtalo
kada se je od tebe gibalo

ti si meni po serdini srca
kak v črljeni jabuki koščica


Međimurje, Hrvatska

Divojka je celer brala

divojka je celer brala u bašći
kraj celera javor-drvo zeleno
pod drvom je posteljica prostrta
na postelji moja draga zaspala

nis' ju mogal od radosti vzbuditi
nit ju mogal od žalosti ljubiti
molil sam se višnjem Bogu mlad junak
da mi moju dragu probudi

puhnul mi je vihar vitar od morja
odkinul je jedan listak s javora
pal je listak mojoj dragoj na lice
zelenoga se listka prenula
a mene je pokraj sebe metnula

Marof (Mönchmeierhof), Gradišće, Austrija

Sunčece črleno, ne shađaj mi rano

sunčece črleno, ne shađaj mi rano
ne shađaj mi rano, počekaj me malo

dok si ja našijem golobo rupčeca
gori mu našijem sunce i meseca

sunce i meseca i drobne zvezdice
što god videl bode, saki pital bode

gde je ona, mila, kaj je to našila
ona ti je, mila, prek sivoga morja

prek sivoga morja de nam shađa zorja
zdavna ju je črna zemlica pokrila


Mlinarci (Molnári) Pomurje, Mađarska / Međimurje, Hrvatska

Kraj črlenog morja

kraj črlenog morja
krvav boj se bije
a devojka mlada
pod borom se smije

izvana se smije
vu srcu se plače
na spodobu đunđa
sive suze stače

- divojčica mila
zakaj tak tuguješ?
zakaj tužbu svoju
več sama valuješ?


Međimurje, Hrvatska