Moj Đurinec

moj Đurinec vince toči
v jedni vuri po polnoči
k njemu došel jeden gospon
pa ga prosi njegvu ljubu

- dej ti meni svoju ljubu
ja ti dadem sto talerov
jeden denek za spomenek
jednu nočku za ljubavcu

- idi moja žena, idi
bumo meli sto taleri
idi moja žena, idi
bumo meli sto taleri

prošel denek za spomenek
prešla nočca za ljubavcu
- nega moje žene dimo
stari majka ite po nju!

- hodi moja sneha dimo
moj se sinek jako plače!
- naj se plače kak se oče
mene dimo nigdar ne bo!

koj me kupil, bo me ljubil
koj me prodal, bo me zgubil
nesu ljube za prodaju
neg su ljube za ljubavu!


Međimurje, Hrvatska

Picek moj

vu Serdišču pre barberu, tam su puce po fileru

picek moj, ružek moj
ti se mene niš ne boj

v Gornjem kraju, tam na kraju, tam su snehe na prodaju
Francek sedi gor na gredi, Marica ga milo gledi
beži, Maro, iz parmiča, mama neseju kuliča
kokuš v parmi kokudače, Mara se za Franca plače
prhkači su se zagoreli - kaj 'mo, Francek, mi dva jeli?

Međimurje, Hrvatska

Dva junaki

dva junaki šečeju se v Gornji kraj
tam imaju za ljubiti snehe fajn

da se oni svojim milam šečeju
vu jobloke belo cvetje mečeju

- stani mi se moja draga grlica
vu jobloku ti je šipek ružica!

grličica se je v jutro stajala
vu jobloku šipek ružu zgledala

vu jobloku šipek ružu zgledala
meni svoju desnu ruku davala

meni svoju desnu ruku davala
z levom si je sive suze brisala


Međimurje, Hrvatska

Sneha

ja sem sneha jako mlada
saki mi se mlad dopada
bil on velik ili mali
on me saki rada fali

u tom bila moja sreča
ostala sem pak noseča
poroda sem bila laka
rodila sem dva junaka

kad se mužek vratil dimo
našel si je po dva sina
naj se mužek niš srditi
tak je v sili mutno biti

v Taliji si ti ratuval
a drugi me doma čuval
to je puno dvanajst let
za me bil je teški svet


Peteranec, Podravina, Hrvatska
"Pjesma potječe iz vremena austrijsko-talijanskog rata za Radetzkoga (oko 1848). To je istinita priča o mladoj ženi čiji je muž u vojnoj službi. Ne znajući hoće li se on ikada vratiti, ona utjehu pronalazi s drugim i postaje majka dvaju sinova. Njen se suprug vraća nakon punih dvanaest godina izbivanja i neizvjesnosti. Kod kuće nalazi svoju ženu s dva sina, a ona ga moli za razumijevanje i kaže mu neka se ne ljuti jer i njoj je bilo teško izdržati nedaće i samoću." - album "Sneha", Gordana Evačić