divojka se je po vrtu šietala
žalosno se vu rože zagliedala
- oj rožice, srca moga radosti
povečte mi zakaj sam vu žalosti
rožice su ne znale povedati
zakaj ji je srčece vu žalosti
ona ih je milo z rokom dragala
i nad jimi ovak zapopievala
- to vam želim drage, moje rožice
da vam se nej nigdar skrilo sončece
naj vas v noči zviezdice odgajajo
a v jutro pak rosice napajajo
naj vam tihi dežđek pere glavice
kaj budem vas liepše vidla, rožice
naj vas vu vručini vetrek prehladi
kaj nau mogla nit' jedna poviehnuti
dok sam mlada kaj bum z vama vesela
ali ne znam kome bi vas davala
majke, oca niemam zdavnja živoga
a dragoga izdaj nemam svojega
Međimurje, Hrvatska
Nema komentara :
Objavi komentar